2014-12-25  |   Мэдээллийн технологийн ууган компаниудын нэг болох Ритус компани оффисын байраа өөрчлөн Баянгол дүүргийн 2-р хороо, Энхтайваны өргөн чөлөө Гранд плаза цогцолборын 14 давхар 1405 тоотод нүүж орлоо.

2014-12-25  |   Бид жил бүр спорт өдөрлөг зохион байгуулж ажилтануудаа хамруулсаар ирсэн. 2014 оны спорт өдөрлөгт сагсан бөмбөг, олс таталт, шидэлт зэрэг төрлүүдээр өрсөлдөж аваргуудаа тодрууллаа. Спортын өдөрлөгт нийт ажилтанууд идэвх, чармайлт гарган оролцсон бөгөөд энэхүү өдөрлөгийг жил бүр уламжлал болгон зохион байгуулахаар шийдвэрлэв.

2014-12-25  |   Ритус компани өөрийн байранд Санхүү, нягтлан бодох бүртгэлийн НОЁН програмынхаа танхимын сургалтыг үнэ төлбөргүйгээр, амжилттай зохион байгууллаа. Уг сургалтаараа  НОЁН програмын шинэчлэлтийн талаар мэдээлэл хүргэхээс гадна шинээр орсон нягтлангуудад програмын бүрэн гүйцэд ашиглалтын талаар мэдээлэл сургалт өгсөн юм.

2014-12-26  |   Ритус компани нь ажилтнуудынхаа эрүүл мэндэд байнгын анхаарч спортын арга хэмжээ, өвөл, зуны аяллыг жил бүр тогтмол зохион байгуулдаг. 2014 оны “Цасны баяр”-аа цэвэр агаарт алжаалаа тайлан, олс таталт, сума барилдаан, оргил булаалдах гэх мэт биеэ чийрэгжүүлэх олон олон үйл явдлыг зохион байгуулж нэгэн өдрийг баяр хөөрөөр дүүрэн өнгөрөөлөө.

2014-12-26  |   Өв соёлоо уламжлах, бахархах, таниулах өвлүүлэх зорилгоор дээлтэй  монгол өдөрлөгийг  жилд хоёр удаа буюу жил бүрийн Хаврын тэргүүн сарын шинийн найманд мөн долдугаар сарын аравны өдөр хийхээр тогтсон байдаг. Энэхүү өдрүүдэд Дэлхийн өнцөг булан бүрт байгаа Монголчууд өвөг дээдсээсээ өвлөн авсан үндэсний хувцсаараа бахархах, үндэсний урлагаа сонирхуулах зорилготой.

2014-12-26  |   Шинэ жилийн баярын цэнгүүнийг зохион байгуулж дуу хуур, хөгжим бүжгээр бялхасан нэгэн үдшийг ёслол төгөлдөр өргөн дэлгэр тэмдэглэлээ. Улиран одож буй 2013 оны ололт амжилтыг дүгнэж шилдэг ажилтан, үдшийн азтангуудаа шалгаруулан урамшууллаа. 2013 оны шилдэг ажилтнаар Програм хангамжийн албаны Програм зохиогч Б. Энхбат, Нэвтрүүлэлт үйлчилгээний албаны Нягтлан бодох бүртгэлийн мэргэжилтэн Ч.Алтан-Очир нар шалгарсан бол энэ үдшийн азтнаар Техник хангамжийн инженер Б.Мөнхсайхан, Веб програм зохиогч С.Шинэбаяр, Програм зохиогч Б.Золжаргал нар тодорсон юм.

2014-12-26  |   Ритус ХХК намрын спорт арга хэмжээнд Улаанбаатар хотын урд сүндэрлэх Дархан цаазат  Богд Хан Уулын ноён оргил “Цэцээ гүн” –рүү  (2268м) явган аялал хийлээ. Энэ аялалын зорилго нь ажилчдын бие бялдарыг чийрэгжүүлэх, унаган төрхөөрөө буй байгальтай танилцах, спорт аялалын ач холбогдолыг сурталчлах, байгаль орчноо хайрлан хамгаалах юм.